الست المصرية بيقولوا عليها ست جادعة وقوية, بس فى الحقيقة ورا قوتها وقدرة تحملها قدر كبيير قوى من الضعف بتحاول تعوضه بإنها تظهر قوية
الست لاالمفروض تكون كائن ضعيف ولا كائن قوى.. مجتمعنا اتعود يحط شوية قواعد أو أوصاف للحاجات واحنا بنكررها ومن كتر ما بنكررها بقت سمة أساسية فينا
ايه بقى اللى بيخلي الست المصرية أو الأنثى المصرية تحس بالضعف جواها؟
أنا مؤمنة تماما اننا مجتمع جاهلى فيما يخص معاملة المرأة أو العلاقة بين المرأة والرجل أو المرأة وأى كائن تانى, عشان أكون منصفة أكتر خلينا نبدأ من الطفلة فى مجتمعنا..الطفلة فى مجتمعاتنا الشرقية وبالأخص المجتمع اللى احنا نشأنا فيه تعتبر ((هَم)) بمعنى الكلمة.. الكل بيتعامل معاها على انها كدة ..أول لما بيعرفوا ان ربنا هايرزقهم ببنت الفرحة كلها بتروح ويبدأ التفكير فى الهم اللى جاى..وبعد ماتتولد تبدأ محاولات كتيير عشان يخلفوا الولد..كإن الولد ده هو الmasterpeace والبنت دى حاجة عادية
وأول ما البنت تبدأ تكبر تظهر قايمة الممنوعات .. ومش شرط تكون حاجات هاتضرها فعلا بل بالعكس ممكن تكون هاتفيدها بس الأهل خايفيين من انها تعرف اكتر أو تطور قدراتها أكتر عشان ماتتجرأش وماتتمردش
أغلب البنات اللى بيتقلدوا مناصب مهمة أو بيبقوا على درجة علمية عالية بيكون بعد كفاح طويل ضد رغبات كتيير من الأهل والمعارف..وبعد كدة بيتعايروا انهم اتأخروا فى الجواز
بمناسبة الجواز..احنا ليه بنعتبر ان البنت اللى لسة ماتجوزتش أزمة والولد اللى عمره ماتجوز عادى؟!!
مش هاقعد أشرح مراحل نمو البنت مع القهر اللى بتعانيه عشان الأمثلة كتييير وواضحة .. بس خلونا نبص للموضوع من ناحية تانية..لو إحنا فعلا بنعامل البنت كدة عشان خايفيين عليها وبما إننا مجتمع عامل نفسه متدين.. ليه مش بنطبق الشرع ونديها حقوقها زى ما ربنا أمرنا؟!!... ليه طول الوقت شايفنها ناقصة عقل ودين ولا نترفق بالقوارير ولا نستوصى بالنساء خيرا؟!! ليه بنعتبر خلفتها للبنت اللى زيها عيب منها وتقصير وخلفتها للولد فخر لأبوه وعيلته؟!! ليه بنربيها على جهل ونعاقبها لما تغلط عن جهل؟!!! ليه بنبعدها عن الاختلاط بالمجتمع ولما تتجوز نطلب منها تتحمل مسؤلية وتربى أطفال بيصنعوا المجتمع؟!!! ليه ثقافة المنع ثم العقاب على ما مُنِع؟
اللى بيستفزنى أكتر حاجة إن البنت بتكبر وسط معتقدات غلط اتمكنت من دماغها وبعدين بتحكم على نفسها وعلى بنات جنسها من خلال معتقداتها دى وتربى ولادها على كدة
اللى بيتربى على قهر بيقهِر واللى اتربى على ظلم مابيعرفش يعيش غير مظلوم..بعد كدة الست دى بتقعد تكافح عشان تجيب الولد وتفرق فى معاملته عن اخواته البنات ولما يتجوز تطلع عين مراته ..عشان كل ذنبها انها ست زيها.. لازم تعمل معاها اللى اتعمل فيها..لازم تقهرها زى ماتقهرت.. ولازم تظلمها زى ماتظلمت وولا بتحس بوجع فى ضميرها
الدين والمنطق والطبيعة وكل حاجة حلوة بتدى للمرأة حقها وبتجعل لها مكانة عظيمة ..إحنا بندنسها وبنجعلها الكائن الأدنى والأكتر من كدة بنخليها تشوه نفسها بإيديها ..وبنضحك على نفسنا وبنقول اننا مدينها أكتر من حجمها وأكتر من حقها..الحقوق مش فى القوانيين بس ..فى حقوق نفسية كتيير احنا بنتجاهلها وبنتعامل معاها على إنها سراب
طول الوقت بيتعاملوا مع المرأة على انها كائن عاطفى مابيعرفش يفكر وفى نفس الوقت بيطلبوا منها تكون نصف المجتمع ..طيب لما هى كائن عاطفى مش بتعاملوها برقة وتراعوا مشاعرها ليه؟!! ولما هى كائن عاطفى بتطلبوا منها تشيل مسؤليات كبيرة ليه ؟!! ولا هو إحنا أصلا مجتمع متناقض حتى مع قناعاته ومبادؤه
لو خايفيين عليها هاتحموها وتراعوا سيكولوجيتها ولو خايفيين منها هاتظلموها وده للأسف هو اللى بيحصل
وأول ما البنت تبدأ تكبر تظهر قايمة الممنوعات .. ومش شرط تكون حاجات هاتضرها فعلا بل بالعكس ممكن تكون هاتفيدها بس الأهل خايفيين من انها تعرف اكتر أو تطور قدراتها أكتر عشان ماتتجرأش وماتتمردش
أغلب البنات اللى بيتقلدوا مناصب مهمة أو بيبقوا على درجة علمية عالية بيكون بعد كفاح طويل ضد رغبات كتيير من الأهل والمعارف..وبعد كدة بيتعايروا انهم اتأخروا فى الجواز
بمناسبة الجواز..احنا ليه بنعتبر ان البنت اللى لسة ماتجوزتش أزمة والولد اللى عمره ماتجوز عادى؟!!
مش هاقعد أشرح مراحل نمو البنت مع القهر اللى بتعانيه عشان الأمثلة كتييير وواضحة .. بس خلونا نبص للموضوع من ناحية تانية..لو إحنا فعلا بنعامل البنت كدة عشان خايفيين عليها وبما إننا مجتمع عامل نفسه متدين.. ليه مش بنطبق الشرع ونديها حقوقها زى ما ربنا أمرنا؟!!... ليه طول الوقت شايفنها ناقصة عقل ودين ولا نترفق بالقوارير ولا نستوصى بالنساء خيرا؟!! ليه بنعتبر خلفتها للبنت اللى زيها عيب منها وتقصير وخلفتها للولد فخر لأبوه وعيلته؟!! ليه بنربيها على جهل ونعاقبها لما تغلط عن جهل؟!!! ليه بنبعدها عن الاختلاط بالمجتمع ولما تتجوز نطلب منها تتحمل مسؤلية وتربى أطفال بيصنعوا المجتمع؟!!! ليه ثقافة المنع ثم العقاب على ما مُنِع؟
اللى بيستفزنى أكتر حاجة إن البنت بتكبر وسط معتقدات غلط اتمكنت من دماغها وبعدين بتحكم على نفسها وعلى بنات جنسها من خلال معتقداتها دى وتربى ولادها على كدة
اللى بيتربى على قهر بيقهِر واللى اتربى على ظلم مابيعرفش يعيش غير مظلوم..بعد كدة الست دى بتقعد تكافح عشان تجيب الولد وتفرق فى معاملته عن اخواته البنات ولما يتجوز تطلع عين مراته ..عشان كل ذنبها انها ست زيها.. لازم تعمل معاها اللى اتعمل فيها..لازم تقهرها زى ماتقهرت.. ولازم تظلمها زى ماتظلمت وولا بتحس بوجع فى ضميرها
الدين والمنطق والطبيعة وكل حاجة حلوة بتدى للمرأة حقها وبتجعل لها مكانة عظيمة ..إحنا بندنسها وبنجعلها الكائن الأدنى والأكتر من كدة بنخليها تشوه نفسها بإيديها ..وبنضحك على نفسنا وبنقول اننا مدينها أكتر من حجمها وأكتر من حقها..الحقوق مش فى القوانيين بس ..فى حقوق نفسية كتيير احنا بنتجاهلها وبنتعامل معاها على إنها سراب
طول الوقت بيتعاملوا مع المرأة على انها كائن عاطفى مابيعرفش يفكر وفى نفس الوقت بيطلبوا منها تكون نصف المجتمع ..طيب لما هى كائن عاطفى مش بتعاملوها برقة وتراعوا مشاعرها ليه؟!! ولما هى كائن عاطفى بتطلبوا منها تشيل مسؤليات كبيرة ليه ؟!! ولا هو إحنا أصلا مجتمع متناقض حتى مع قناعاته ومبادؤه
لو خايفيين عليها هاتحموها وتراعوا سيكولوجيتها ولو خايفيين منها هاتظلموها وده للأسف هو اللى بيحصل
ليست هناك تعليقات:
إرسال تعليق